Egnatia mposhti Dinamon në Durrës duke marrë 3 pikët e rradhës dhe vijon e qetë kryesimin e Superiores. Rrogozhinasit fituan 1-2, por patën raste pafund për të thelluar rezultatin. Pas ndeshjes, trajneri Edlir Tetova dha prononcimin e tij për MCN TV.
“Ndeshja e sotme ishte shumë e vështirë ashtu si dhe e bukur. Meritojmë vendin ku jemi, por janë edhe 2 ndeshje dhe s’duhet të kënaqemi me kaq.
Koha e markimit në mesfushë ishte e dobët dhe pastaj e rimorëm pak me zëvëndësimet. Kaluam në epërsi. Në momentin që duhet të dilte topi, kishim një forcë më shumë me Mëllugjën kur u fut nga stoli dhe asistoi. Në fillimin e pjesës së dytë kjo na mungoi prandaj patëm vështirësi.
Minutat e para të pjesës së dytë kundërshtari ndryshoi skemën dhe kishte ngarkesë te mesfushorët. Sa u rregullua kjo pjesë ishim më mirë. U kërkova lojtarëve të shkonin lart. Janë situata të lojës që më pas i zgjidhëm.
Tolerim? Jemi munduar të bëjmë 2-3 lëvizje në formacion për rifreskim. Ndihet lodhja dhe do të ndihet prap prej kalendarit. Na mbetet të shtrëngojmë dhëmbët.
Trofeu të mërkurën? Do të jetë spektakël, luajnë dy vendet e para dhe do të jetë një ndeshje e bukur. Fitoftë me i miri.”, tha Tetova.
Lexo gjithashtu
