Laver Alla është shndërruar në hero në qytetin e Lushnjes. Gjyqtari i Superiores, krahas arbitrimit, punon edhe pranë repartit të zjarrëfikëses. Ditën e djeshme, në emisionin “Stop” u publikua një video teksa një 85-vjeçar kishte mbetur i izoluar në ashensor pas ndërprerjes së energjisë elektrike. Familjarët ishin trembur dhe kishin kërkuar ndihmën e zjarrfikësve.
Alla së bashku me kolegët e tij kishin shpejtuar për t’i ardhur në ndihmë. Edhe pse kushtet nuk ishin të favorshme, gjyqtari i Superiores nuk ngurron, por futet në një të çarë për të mbërritur te 85-vjeçari. Në videon e mëposhtme mund të shihni momentin kur Alla arrin të nxjerrë të moshuarin. Nga ndeshjet e elitës, në një tjetër sfidë të vështirë. Këtë herë në shpëtimin e jetëve, Laver Alla ia del më së miri.
Loading ...
