Victor Da Silva ishte surpriza e Partizanit të cilët njoftuan ndërprerjen e kontratës me të. Braziliani u largua me një ‘sms’ nga drejtuesit e kuq, siç e thotë vetë në intervistën ekskluzive për Newsport.al, dhe menjëherë firmosi kontratën e re me agjencinë manaxheriale të futbollistëve, AMA Solution të Arbi Laçit.
Agjenti i futbollistëve prej ditësh ka nisur punën për t’i gjetur një të ardhme klientit të tij dhe ia ka dalë. Victor Da Silva do të firmosë në Uzbekistan me nënkampionët FC Nasaf Qarshi dhe do të përfitojë një rrogë të majme prej 200 mijë eurosh në sezon.
Da Silva largohet kështu nga Shqipëria pas 3 sezonesh e gjysmë ku shënoi 29 gola e 17 asiste dhe fitoi 3 trofe: 1 titull me Partizanin dhe 2 Kupa me Vllazninë.
Poll
Lexo gjithashtu
