Sulmuesi shqiptar Arbër Zeneli e nis vitin 2019 si njëri prej lojtarëve më të mirë të kampionatit holandez. Për gjysmën e parë të sezonit 2018/2019, 23-vjeçari që luan për përfaqësuesen e Kosovës dhe Heerenveenin është përzgjedhur në formacionin më të mirë të kampionatit të futbollit në Holandë “Eredivisie” falë paraqitjeve mbresëlënëse që ka bërë deri tani.
Zeneli ka shënuar 4 gola në 18 ndeshje këtë pjesë të parë të sezonit si dhe ka dhuruar 10 asiste në kampionat. 23-vjeçari ishte “heroi” i kualifikimit në fazën e dytë të Ligës së Kombeve duke shkatërruar me tripletë Azerbajxhanin në fitoren historike të 20 nëntorit të 2018 4-0.
Loading ...
