Është kthyer një ndër lojtarët më të kërkuar në merkaton e verës, jo vetëm në Shqipëri, por edhe jashtë saj. Talenti vlonjat, i zbuluar nga Hulian Rubio në sezonin 2012-2013, sezonin e shkuar shkëlqeu në radhët e Bylisit.
[caption id="attachment_11826" align="alignleft" width="300"]
Ardit Hoxhaj kur festonte golin e shënuar ndaj Partizanit[/caption]
Ra në syrin e shumë menaxherëve, ndërsa u provua te PAS Janina, ku i ofruan kontratë, ndërsa dhe Larisa e Superligës greke e kërkoi që të firmoste. Por, ai mbetet peng i kontratës me Bylisin, e cila i përfundon në fund të sezonit 2016/2017.
Që të mendosh se ai nuk merr ndonjë shumë marramendëse parash, por pak mbi rrogën minimale të caktuar me ligj, megjithatë, edhe pse nuk i ka kushtuar shumë Bylisit, sërish drejtuesit duan të përfitojnë maksimalisht nga ai.
PAS Janina ofroi 30 mijë euro dhe ndarjen 50 me 50 të kartonit, por presidenca ballshiote nuk pranoi, edhe pse do të kishte dalë me fitime nga ky transferim. Në ditët e fundit pistat janë shtuar, ku klubet më në zë të elitës së futbollit shqiptar kanë rënë në gjurmët e tij, por Hoxhaj sërish nuk di sesi të lëvizë. Pra, mbetet peng i rrogës minimale që merr në Ballsh edhe për këtë sezon një talent që shumë mirë mund të shpërthente në çdo skuadër të elitës.
Lexo gjithashtu
