E gjeni dot kush është mbreti i lojërave në dhomë..?

Luka Modriç mund të jetë talismani i Kroacisë në fushë, por ky ekip ka edhe një kampion absolut në lojërat e tjera, në ato që quhen lojëra në dhomë. Marselo Brozoviç i mund të gjithë në ping-pong dhe jo vetëm. Megjithatë, ai është modest: “Edhe të tjerët luajnë shumë mirë, por unë i mund”, – thotë lojtari i Interit. Brozoviç është i pari edhe në lojën me shigjeta, në “play-station” dhe në letra. “Edhe Pjaca, Manxhukiç dhe Kovaçiç janë shumë të zotët”, – shprehet kampioni i këtyre lojërave, duke nisur nga ping-pongu. Gazetarët kroatë shkruajnë se Brozoviçin nuk mund të mposhtë askush, ai është kampion absolut.