Ende s’ka asgjë zyrtare, por mësohet se Alban Hoxha mund t’i ketë dhënë fund aventurës me Partizanit. Procesi Sportiv raporton se kapiteni nuk është stërvitur me skuadrën. Edhe të dielën nuk ishte në formacion për ndeshjen kundër Kukësit, ndërsa thuhet se s’ka pranuar të qëndrojë në stol.
Në të tilla kushte ka zgjedhur mos të jetë fare i pranishëm për sfidën kundër verilindorëve. Ndërkohë ditë më parë u tha që ai është i dëmtuar. Megjithatë pritet një reagim zyrtar për të mësuar se si qëndron e vërteta mbi “gardianin” e 16 herë kampionëve të Shqipërisë.
