Menaxheri i Ledian Memushajt ka hedhur hije dyshimi mbi rinovimin e mesfushorit vlonjat te Peskara. Njësoj si në rastin e Elseid Hysajt te Napoli, Mario Guiffgredi duket se kërkon përmirësim të kushteve financiare të kontratës së kapitenit të Peskarës.
[caption id="attachment_19247" align="alignleft" width="300"]
Memushaj me menaxherin e tij[/caption]
"Deri tani nuk kemi gjetur asnjë akord, as për zgjatje dhe as për përmirësimin e kontratës. Nuk është një çështje tërësisht ekonomike, por edhe njerëzore. Futbollistit duhet t’i njihet merita se ka bërë një sezon të shkëlqyer. Pasi kontribuoi për ngjitjen në Serinë A, Memushaj kishte një rendiment të mirë edhe në Kampionatin Europian me kombëtaren e tij. Duhet ta kuptoni që kontratat duhet të përmirësohen në bazë të ngjarjeve, të cilat për djaloshin kanë qenë shumë pozitive. Për këtë arsye, paga e tij duhet të jetë në të njëjtën linjë me vlerën që Peskara i ka vënë kartonit të tij", ka thënë menaxheri i Memushajt për mediat italiane.
"Lediani dëshiron të qëndrojë. E ka përsëritur shumë herë gjatë kohëve të fundit. Objektivi i tij është të sigurojë mbijetesën bashkë me shokët e tij, por nëse klubi nuk ka ndër mend të rishikojë marrëveshjen, atëherë është e drejtë që më mirë të nxirret në shitje. Vendimi i përket vetëm presidenti Sebastiani. Ai mendon se gjërat janë në rregull kështu. Përkundrazi, kur një futbollist bën hapin cilësor, duhet marrë në konsideratë. Presim një sinjal nga Peskara që duhet të na tregojë nëse e cilëson Memushajn një element thelbësor edhe për projektin e Serisë A", sqaroi Guiffredi.
Lexo gjithashtu
