Dy rikthimet e fundit të Skënderbeut, Bruno Lulaj dhe Ardit Hoxhaj kanë dhënë një pronocim në startim të përgatitjeve të ekipit korçar, ku premtojnë se do japin maksimumin për të qenë protagonistë në këtë skuadër për sezonin e ri dhe të fitojnë rolin e titullarit.
Bruno Lulaj
Është gjithmonë kënaqësi të rikthehesh në shtëpi. Skënderbeu është shtëpia ime. Kam ardhur këtu që të zë vendin e titullarit kësaj radhe dhe besoj se do t'ia arrij. Ishte dëshirë e imja që të rikthesha te Skënderbeu pasi kam kontratë akoma. Por dëshiroja që të ndihmoja skuadrën në objektivat që kemi për këtë vit. Ndihem shumë mirë. Ndihem mirë me profesorin Shehin, me të cilin kemi qenë shok skuadre katër vite më parë. Ka qenë një lider në fushë dhe trajner brenda fushe. Besoj se këtë gjë do bëjë dhe tani që ka marrë detyrën e re.
Ardit Hoxhaj
Emocione ka sigurisht pasi rikthehem te Skënderbeu. Jo se Skënderbeu nuk është në një moment të mirë. Besoj se ka cilësinë e duhur. Ndoshta nuk ka eksperiencën sikurse e kanë patur lojtarët më parë, ata që kanë ikur, por besoj se do luftoj sërish për objektiva madhorë. Rikthimi? E para ka qenë dëshirë e imja të rikthehesha te Skënderbeu, plus që kur kam kontaktuar me drejtuesit më kanë shprehur të njëjtën gjë. Mendoj që këtë vit të bëj një sezon të mirë dhe të kthehem në një protagonist për ekipin.
https://www.youtube.com/watch?v=UX84jKgv6nM&feature=youtu.be
Lexo gjithashtu
