Drejtori sportiv i Ballkanit, Nderim Nexhipi, ka festuar dje një ditë shumë të veçantë për të. Ish-drejtori i Kukësit festoi ditëlindjen e tij, por njëkohësisht edhe fitimin e titullit kampion në Kosovë, me ekipin e Ballkanit.
Nexhipi, po ashtu edhe Ilir Daja, kanë meritën kryesore për fitimin e këtij trofeu në Kosovë. Puna fantastike e dyshes u shpërblye me këtë trofe në fund të sezonit. Në faqen e tij zyrtare në “Instagram”, drejtori Nexhipi tregoi se kujt ia dedikon fitimin e titullit kampion.
“Dje ishte një ditë e veçantë me dy festa për mua dhe të afërmit e mi: Ditëlindja ime dhe festa e titullit kampion. Titulli i parë për klubin tonë nga Suhareka, një qytet i vogël, por me zemër të madhe! Këtë titull të parë, ia dedikoj presidentit të klubit Arsim Kabashi, si dhe gjithë qytetit të Suharekës”, shkroi Nexhipi.
Loading ...
