Erzeni do të luajë ndeshjen e sezonit ndaj Kukësit nesër në orën 16:00, nnë “Kukës Arena”. Sfidë e vlefshme për javën e 35-të të Kategorisë Superiore. Të dyja skuadrat gjenden në zonën e ftohtë të tabelës. Verilindorët ndodhen në vendin e 7-të në kuotën e 41 pikëve dhe momentalisht shmangin Play Outin. Nga ana tjetër Shijakasit ndodhen në vendin e 8-të më 2 pikë më pak se Kukësi, të gjenduar në këto kushte të besuarit e Alfred Deliallisit do të kërkojnë me çdo kusht fitoren për t’u larguar nga vendi i 8-të.
Të gjendur në këto kushte klubi i Erzenit ka menduar të vendos në dispozicion për tifozët, një autobuz falas. Lojtari i 12-të i shijakasve do të ketë mundësinë të niset në mbështetje të ekipit me autobuzin që do të niset nga parkingu i bashkisë në orën 11:00. Ka qenë vetë Erzeni që ka ndarë këtë njoftimi nëpërmjet një postimi në kanalin e tyre zyrtar Facebook. Ata shkruajnë mbështetja e tyre më e madhe janë tifozët dhe se të gjitha rrugët të çojnë drejt Kukësit.
Postimi i plotë i KF Erzenit:
Vetëm 1 ditë na ndan nga sfida më e rëndësishme e sezonit.
Mbështetja jonë më e madhe jeni ju, ndaj mos mungoni.
Ju bëjmë me dije që në dispozicion është vendosur nga drejtuesit një autobus drejt Kukesit që niset nga parkingu i bashkisë në orën 11:00.
Tifozeria jonë do të vendoset në tribunën “ Sadik Zeneli “.
Të gjithë rrugët të çojnë në “ Kukes Arena ”.
Lexo gjithashtu
