Interi do të përballet në “San Siro” me Empolin në kuadër të javës së 19-të të Serie A. një sfidë mjaft e rëndësishme për zikaltrit të cilët do të synojnë fitoren për të ngushtuar diferencën me Napolin që ndodhet në krey të klasifikimit.
Por Milan Skriniar ngre shumë pikëpyetje për të ardhmen e tij te Interi, pasi sipas mediave italiane mbrojtësi ka refuzuar rinovimin me zikaltrit dhe ka pranuar ofertën për t’u transferuar te PSG në Lige 1.
Për këtë ka pasur një reagim nga tifozët ultras të Interit “Curva Nord”, të cilët kanë pasur një mesazh të gjatë për sllovakun.
“Sot festojmë për kampionët dhe për Skriniar. Sot është dita e kthimit të kampionëve, të cilët, përfshirë Skriniar, na kanë dhënë kënaqësinë e Superkupës së Italisë që vlen një sezon të tërë.
Curva Nord është e prirur të komunikojë se do t’i përkushtohet vetëm festimeve, para dhe gjatë ndeshjes. Ne dëshirojmë të nënvizojmë këtë përballë raportimeve dhe ftesave të shumta të marra për të mbajtur një qëndrim të qartë ndaj lojtarit tonë.
Të gjitha vlerësimet e sjelljes së tij morale shtyhen për momentin në të cilin do të përcaktohet zgjedhja për të ardhmen e tij, e cila do të përcaktojë pa dyshim trashësinë e tij njerëzore dhe shkallën e tij personale të vlerave. Për këto arsye, i ftojmë të gjithë tifozët e Interit që ta trajtojnë edhe një herë me respektin që e merton deri më sot për profesionalizmin që ka treguar”, thuhej në mesazhin e tifozëve zikaltër.
Lexo gjithashtu
