Në fjalën e tij në Asamblenë e Përgjithshme të FSHF-së, Drejtori i klubit të Partizanit, Genci Tomori u shpreh: "Përsa i përket punës së Disiplinës, Apelit dhe Dhomës së Zgjidheve të Konflikteve mendoj se ka mangësi.
Mendoj se duhet vendosur edhe një Komision Arbitrazhi, ashtu si edhe në disa vende në Europian.
Apelimi i dytë për vendimet ndaj klubeve bëhen vetëm në CAS, çka sjell edhe vështirësi.
Komisioni Arbitrazh duhet të jetë i pavarur. Jemi gati që ky komsion, nëse ngrihet si institucion të financohet nga vetë klubet.
Ne vlerësojmë se për sa i përket çështjeve të trukimeve duhet të ketë më tepër vëmendje.
Ndërkohë që çështjet e trukimeve në futbollin shqiptar ka marrë përmasa ndërkombëtare, këtu nuk gjen një raport të saktë për këtë.
Ne jemi dakord që të rritet niveli i bashkëpunimit mes FSHF-së dhe klubeve të futbollit. Deri tani nuk shohim shumë bashkëpunim edhe në aspektin e infrakstrukturës, sepse nuk ka marrë masa në këtë drejtim.
Shitja e të drejtave televizive duhet të bëhet në bashkëpunim me klubet. Raporti i presidentit cek në mënyrë të përgjithshme problemet e futbollit shqiptar. Vlerësojmë që sa i përket trukimeve, duhet të kishte bilanc pune të detajuar të FSHF-së dhe Komisionit të Etikës.
Kur çështja është bërë ndërkombëtare për ekipe të caktuara, nuk gjejmë pasqyrim konkret në raport për luftën që duhet bërë ndaj këtyre fenomeneve. Në çdo asamble përmendet se ka rënë ndjeshëm trukimi. Meqë në raport nuk paraqitet asgjë, kërkojmë riformatimin e Komisionit të Etikës", tha Drejtori i Përgjithshëm i Partizanit, Genci Tomori.
Lexo gjithashtu
