Federata Shqiptare e Futbollit ka njoftuar përmes një njoftimi në uebsajtin zyrtar se në datën 4 dhjetor do të nisë kursi për "Drejtorët Sportivë". Nëpërmjet një lajmërimi të detajuar FSHF bën me dije se ky kurs do të zgjasë 19 ditë.
" Sektori i Edukimit Teknik pranë FSHF-së nis në muajin dhjetor një kurs specifik, jo për trajnerë, por për profilin e Drejtorëve Sportivë (Shefat e Klubeve). Nga data 4 deri në datën 23 dhjetor në Shkollën e Trajnerëve në Kamzë, ku kryhen të gjithë kurset e liçensimit do të realizohet edhe kursi "DREJTORI SPORTIV" me të gjithë shefat aktualë të klubeve të futbollit në Shqipëri, apo edhe Drejtorët aktualë sportivë. Referime teorike dhe në fund një bashkëbisedim në të gjithë këtë periudhë të kursit, me tema të natyrave të ndryshme.
Që nga liçensimi I futbollistit, liçensat ndërkombëtare, pjesa e bilanceve administrative në punën e Drejtorit Sportiv të një klubi, rregulli publik, organizimi i stadiumeve, principet e komunikimit dhe kriteret e përzgjedhjes, pjesa e agjentit të futbollistit, sociologjia në futboll etj do të jenë baza e referimeve nga lektorë të ndryshëm për të gjithë Drejtorët aktualë sportivë në ditët e kursit. Në fund për të gjithë pjesëmarrësit në kurs, Drejtorë aktualë të klubeve sportive në vend, do të akordohet edhe liçensa përkatëse", shkruhet në njoftimin e Federatës Shqiptare të Futbollit.
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
