Shpend Kelmendi ishte një nga prurjet e reja të kampionëve të Shqipërisë, Skëndërbeu. Mesfushori i avancuar, është vetëm 21 vjeç por shihet si një nga talentet e reja që po lulëzon në tregun e futbollit shqiptar. Ai iu bashkua Skëndërbeut që nga mesi i korrikut dhe zhvilloi edhe fazën përgatitore me skuadrën korçare në Austri.
Mirëpo ditën e sotme është zbuluar një zhvillim i çuditshëm në lidhje me lojtarin, ku ai është rikthyer sërisht në ekipin kosovar të Prishtinës. Lajmin e ka bërë të ditur vetë klubi kosovar ditën e sotme në faqen zyrtare të tij. Thuhet se Kelmendi është rikthyer fuqishëm, duke kërkuar fitimin e titullit kampion me kosovarët, të cilët do të garojnë edhe në ligat europiane vitin e ardhshëm. Merr kështu fund aventura shqiptare ende pa filluar mirë për lojtarin.
Lexo gjithashtu
