Stafi teknik i Vllaznisë kishte vendosur që pas ndeshjes me Laçin, skuadra të merrte një ditë pushimi për të rikuperuar energjitë. Ekipi do të rikthehet sot në stërvitje për të nisur përgatitjet për ndeshjen e së premtes me Bylisin në Loro Boriçi. Me energjitë e plota, trajneri Josa merr gjithashtu disa lajme të mira.
Në stërvitje do të bashkohen edhe të dëmtuarit Hakaj, Jonuzi, Heric, Kaina dhe Boshnjaku. Mbrojtësi është plotësisht gati të vijojë normalisht seancën ndërsa Jonuzi e Heric do të bashkohen gradualisht me grupin e plotë. Kaina Nunes dhe Lorik Boshnjaku do të ingranohen në ditët në vijim me sulmuesin që ka më shumë shanse të luaj ndaj Bylisit. Liridon Latifi ndërkohë do të vazhdojë të jetë jashtë fushave.
