Dinamo është ende e heshtur “me letra”, por zërat e merkatos janë të zhurmshme. Blutë nuk kanë bërë asnjë lëvizje zyrtarisht në skuadër, mirëpo, drejtuesit vijojnë punën “prapa kuintave”. Afrime të bujshme si Stivi Frashëri, Rustem Hoxha, Arbenit Xhemajli, Lorran dhe Kaçorri janë të kryera, thjeshtë pritej që lojtarëve t’u skadojë kontrata me klubet e tyre (30 qershor) dhe më pas të vijnë firmat.
Revolucioni është i pashmangshëm në ekip me drejtuesit që duan të mos e diskutojnë më mbijetesën. Ku ka afrime, reciprokërisht ka edhe largime ndaj klubi ka nisur t’i bëjë vend prurjeve të reja dhe kanë nisur me repartin e mbrojtes. Plot 4 largime nga prapavija me Fetaj, Dickson, Zhivanaj dhe një mes Prodanit e Allmuçës do të jenë spastrimet e para.
Tre të parët do të zëvëndësohen nga Marku, Hoxha e Behiratche ndërsa një nga dy të fundit do t’i bëjë vend Lorran. Skuadra nuk është ende e plotë dhe ka akoma shumë punë deri në fund të merkatos.
Lexo gjithashtu
