Dinamo u rikthye në Superiore dhe drejtuesit kanë ndërhyrë me themel në ekip duke bërë një revolucion të madh që nis direkt te grupi i lojtarëve. Shumë futbollistë janë larguar nga skuadra dhe kanë gjetur ekipet e reja në Kategorinë e Parë.
I tillë është edhe Idakwo Dickson. Mbrojtësi ka arritur akordin me Burreli, mëson ‘Futbolli në Shqipëri’, dhe pritet të jetë një përforcim me shumë vlera për skuadrën e Dorjan Bubeqit. Eksperienca e afrikanit do të ndihmojë shumë skuadrën matjane të cilët kanë nënshkruar gjithashtu edhe me Patrik Fetajn, Sinan Dani dhe Marjus Kola.
Dickson ishte titullar absolut sezonin e fundit si për Nevil Deden, edhe për Dritan Mehmetin duke luajtur 21 ndeshje ku gjeti edhe një herë rrugën e rrjetës në humbjen 2-3 ndaj Apolonisë.
Lexo gjithashtu
