Angel Di Maria do të luajë botërorin e fundit me fanellën e Argjentinas. Lojtari i Juventusit ka vendosur të “pensionohet” nga kombëtarja pas “Katar 2022”. Në një prononcim pë mediet e vendit të tij, ish-mesfushori i PSG-së theksoi se aktivizimin me përfaqësueses për një kohë të gjatë do të thoshte shumë për të.
“E vërteta është se nuk mund ta besoj se po luaj Botërorin tim të katërt. Është fantastike dhe ndihem shumë krenar për punën time gjatë gjithë kësaj kohe. Nuk është e lehtë të qëndrosh kaq shumë vite në ekipin kombëtar të Argjentinës pasi kemi shumë lojtarë cilësorë. Kam marrë shumë kritika, por kam luajtur 124 ndeshje, mendoj se jo të gjithë mund ta bëjnë këtë. E shijoj si herën e parë. Në moshën 34-vjeçare e di që ky është Botërori im i fundit”, ka deklaruar Di Maria.
Lexo gjithashtu
