Dështon koreografia kuqezi, flamuri për “Guinness” ndalohet nga UEFA

Flamuri i madh që do të shpalosej nga tifozat kuqezi sot, në Velodrome të Marsejës, ka dështuar. Ky lajm i hidhur vjen për të gjithë shqiptarët, që u bëhej thirrje të ishin të shumtë në shkallët e stadiumit, por edhe pë ata që mezi prisnin ta shihnin nga ekrani. Mësohet se UEFA ka ndaluar që ky flamur të futet brenda në stadium, sepse Federata Shqiptare e Futbollit duhej ta kishte futur në listën që i është dorëzuar UEFA-s, për koerografitë e tifozëve. Afati i dorëzimit të kësaj liste, ka qenë data 31 maj, ku FSHF nuk e ka futur si pjesë të koreografisë. Megjithëse flamuri me përmasa gjigande mori jehonë, për fat të keq nuk do të mund ta shohim brenda shkallëve të stadiumit.