Dështojnë Lojërat Olimpike “Rio 2016”

Vështirësia më e madhe në Lojërat Olimpike “Rio 2016” nuk vjen nga asnjë aspekt tjetër përveç spektatorëve. Për shkak të temperaturave, garat zhvillohen në orët e para të mëngjesit dhe në mbrëmje, por kjo penalizon organizatorët.

Sipas një shkrimit të “Reuters”, organizatorët pretendojnë për shitjen e 82% të biletave, por që në një ndeshje të së dielës mbrëma në sportin e regbisë, stadiumi ishte gjysmë i mbushur, ose më pak.

Garat me kajak dhe çiklizmi janë garat që kanë tërhequr shumë pak njerëz. “Kemi shumë sesione të dyfishta, kështu që spektatorët ose përcjellin sesionin e mbrëmjes ose të mëngjesit. Ne mund të konfirmojmë se kemi shitur mbi 80 për qind të biletave për të gjitha ngjarjet në Lojërat Olimpike”, thanë autoritetet organizuese në Brazil, por që e vërteta po konsiston shumë ndryshe.