Kategoria Superiore do zhvillojë sot duelin mes Teutës dhe Kukësit. Ndeshja e ores 16:00 në “Niko Dovana” vlen për javën e 21 të Kategorisë Superiore dhe vendos përballë dy skuadra që në fillim të sezonit kishin objektiva të njëjta ose të përafërta.
Tanimë pas më shumë se gjysmës së sezonit, durrsakët e Martinit janë në ndjekje të Vllaznisë kryesuese, me dy skuadrat që pretendojnë një vend në Kupat Europiane.
Pas humbjes me Partizanin, verilindorët e Mirel Josës kërkojnë kthesën në një fushë që është e vështirë për të gjitha skuadrat. Me shtatë pikë diferencë nga Teuta, Kukësi ka mundësinë të afrohet me vendin e tretë që të çon në Europa League.
Dueli i sotëm mund të konsiderohet si një “finale” për zonën e Europës, me kuksianët që do duhet të kapin trenin e fundit për objektivat.