Interi dhe Milan përplasin “brirët” mes tyre në gjysmëfinalen e Champions League, takim që do të luhet nesër në San Siro” duke nisur që nga ora 21:00. Një përballje “titanësh”, ku dy skuadrat e Milanos do të kërkojnë të prekin edhe finalen e Stambollit.
Në prag të Euroderbyt ka folur Simone Inzaghi, i cili ka theksuar se kjo përbalje është shumë e rëndësishme për zikaltërtit, por gjithmonë derbi mbetet derbi.
“Ndeshjet e fundit, duke përfshirë edhe gjysmëfinalet dhe kualifikueset, na kanë bërë që të gjitha ndeshjet t’i përgatisim në mënyrën më të mirë të mundshme. Nesër e dimë se është një gjysmëfinale e Champions League, është një derbi, është derbi. Të gjithë e dimë se sa e rëndësishme është për të gjithë ne dhe duam ta trajtojmë atë në mënyrën më të mirë.
Do të duhet të përdorim shumë kokën dhe zemrën. Sa për zemrën, nuk kam asnjë dyshim. Duhet të jemi mirë me kokën, do të ketë gracka dhe ngjarje të papritura gjatë ndeshjes, duke e ditur që luajmë në 180 minuta.
Përsëritje e Superkupës? Për sa i përket përqendrimit dhe vendosmërisë, skuadra bëri një lojë të shkëlqyer, e cila ishte një ndeshje e vetme, duhet të jemi mirë këtu për të përsëritur veten në 180.
Leao? Ne i dimë cilësitë e Leaos, por nuk e dimë nëse do të luajë apo jo. Gjithsesi kjo nuk do të ndikojë aspak në planin tonë. Milan është një skuadër e fortë si e të si pa të, kështu që kjo ndeshje do të jetë histori tjetër”, ka përfunduar timonieri i zikaltërve.
Lexo gjithashtu
