Dinamo do të përballet me Tiranën në ndeshjen hapëse të sezonit të ri të Superiores. Blutë do të presin rivalët bardheblu në Elbasan Arena që do të jetë shtëpia e tyre për këtë sezon. Nesër në orën 20:00 do të luhet derbi i parë dhe pritet me mjaft interes edhe për të parë ‘Dinamon e re’.
Dinamo City, siç quhet tani pas revolucionit historik, do të debutojë në Superiore me fanellën, logon dhe lojtarët e rinj. Një miniaturë e gjigantëve të Manchester City me të cilët është binjakëzuar. Klubi ka nxjerrë në shitje edhe biletat për ndeshjen me Tribunën karshi dhe atë të miqëve që kushton 500 lekë ndërsa tribuna A dhe B, 2000 lekë.
Biletat mund t’i gjeni në pikat e shitjes në biletarinë e stadiumit ‘Selman Stërmasi’ dhe ‘Elbasan Arena’.
Poll
Lexo gjithashtu
