Paul Pogba është dëmtuar gjatë stërvitjes me Juventus. Rikthimi i tij te “Zonja e Vjetër” mesa duket duhet të kalojë disa pengesa. Klubi bardhezi tregon nëpërmjet një deklarate zyrtare se Pogba u ankua për dhimbje në gjurin e djathtë, për të cilat ju nënshtrua më pas ekzaminimeve.
29-vjeçari ka disa probleme në gju, të cilat e detyrojnë të vazhdojë një konsultë speciale ortopedike. Për të vazhduar këtë trajtim Pogba nuk mund marrë pjesë në Dallas, ku Juve do të zhvendoset gjatë fazës përgatitore. Akoma nuk bëhet e ditur sa gjatë duhet të qëndrojë ish-lojtari i United jashtë fushave të lojës.
