Partizani mori një barazim 1-1 në ndeshjen e parë ndaj BATE Borisov në Air Albania. Një ndeshje e dominuar nga të kuqtë por pa arritur të përmbysnin rezultatin. Pas ndeshjes, trajneri Zekic dha prononcimin e tij për MCN TV.
Skuadra dha gjithçka sot, patëm një kundërshtarë që kishte luajtur 13 ndeshje. Në pjesën e parë bëmë presing ofensiv mjaft lart ndërsa në të dytën patëm shanset tona por nuk duhet të na vijë keq për atë që dhamë në fushën e lojës.
Tani kemi 7 ditë më shumë për t’u përgatitur. Do të punojmë me taktikat e lojës për ndeshjen e kthimit. Jam i kënaqur me lojtarët e mi. Kanë dhënë 100%, kemi patur vetëm 25 ditë kohë, kam dhënë idetë e mia. Mund të bënim më mirë në sulm por tani mbetet ndeshja e kthimit.
Ndryshimi taktik në fundin e ndeshjes? Mund të bënim më mirë por isha i detyruar të ndryshoja pasi Mehmeti pati disa probleme dhe u detyrova të ndryshoja disa lojtarë. Kishim probleme me krahun e djathtë pasi Hadroj shfaqi probleme dhe kishte detyrë të mbante numrin 6-të.
Lexo gjithashtu
