Pas eleminimit nga Europa League tashmë Kukësi do të jetë i fokusuar plotësisht në kampionat, me verilindorët që nisin sot aventurën e Superiores për sezonin e ri përballë Laçit.
Ndeshja që do të luhet në “Elbasan Arena” sheh si pritës pikërisht nënkampionët, që fatkeqësisht nuk do të kenë në favor faktorin fushë për shkak të gjendjes së stadiumit të qytetit verilindor “Zeqir Ymeri”. Megjithatë ekipi i drejtuar nga Armando Cungu vjen me një fytyrë të re në këtë sfidë, në krahasim me përballjet në Europë.
Për Kukësin sot pritet të debutojë blerja më e re Ardian Cuculi, me ish-mbrojtësin e Partizanit dhe Shkëndijes që është federuar ditën e djeshme. Kështu ai pritet të jetë në fushë që nga minuta e parë së bashku me Shametin në qendër të mbrojtjes.
Nga ana tjetër te Laçi pritet të hidhet në fushë që në nisje kiliani Sebastian Toro, me teknikun Artan Mërgjyshi që kërkon të lërë prapa krahëve humbjen në Superkupë ndaj Skënderbeut.
Loading ...
