Ish-trajneri i Kombëtares shqiptare, Gianni De Biasi është kthyer në një ndër trajnerët më të komentuar në Itali pas largimit nga Shqipëria dhe disfatës që pësoi me Alaveshin në Spanjë. Së fundmi, sipas një artikulli që shkruan "Tuttomercaktoweb" bëhet fjalë për një marrëveshje të mundshme mes ish-teknikut të Kombetares kuqezi dhe drejtuesve të klubit të Palermos.
"Gianni De Biasi dhe Palermo, asnjë kontakt të drejtpërdrejtë për momentin. Trajneri është njoftuar ditën e djeshme nëpërmjet një ftese, në një mbient ku të pranishëm kanë qenë dhe Sergio Gasparin dhe Nereo Bonato. Tani për tani shanset janë të pakta që De Biasi të marrë drejtimin e Palermos. Ish-trajneri i Shqipërisë u kontaktua një vit më parë, por nuk pranoi duke u justifikuar me faktin se nuk mund të linte angazhimet që kishte me Kombëtaren. Sot, emri i tij është rikthyer si një mundësi e mundshme për për postin e trajnerit te Palermo, që me shumë mundësi mund të mos "kurorëzohet ne martesë" për shkak se De Biasi ka ende premisa dhe ambicie për të ardhmen. Ai ndoshta është duke vlerësuar mundësitë nga klube të huaja, Palermo nuk nuk duket të jetë një nga prioritete e ish-trajnerit të skuadrës së Alaveshit. Për momentin, duket se skuadra do shkojë përpara nën drejtimin e Bruno Tedino-s, të paktën deri ditën e shtunën", shkuhet në artikullin botuar pak orë më parë nga "Tuttomercaktoweb". /NEWPORT.AL/
[gallery columns="1" size="full" ids="227752"]
Lexo gjithashtu
