Italia u përshëndet me Euro 2016 pas ndeshjes me Gjermaninë, ku llotaria e penalltive e nxori atë humbëse. Gianni De Biassi, trajneri i Shqipërisë, i intervistuar nga mikrofonat e “La Gazzetta dello Sport” ka analizuar ndeshjen e burrave të Contes.
Këto janë fjalët e tij: “Italia pati më pak raste se Gjermania, që vuajti më pak. Është mbrojtur fortë për të mbajtur rezultatin. Penalltitë? Mëkat, Zaza hyri për të gjuajtur fort penalltinë, por… Sidoqoftë, është një humbje më shumë se dinjitoze, më vjen keq natyrisht, sepse patëm dhe avantazh në gjuajtjen e penalltivë, por gabuam me Pelle. U irritua Neuer? Nuk e di se çfarë ka menduar, ndoshta ka qenë i lodhur, është mëkati i cektësisë”, përfundon trajneri i kuqezinjve, i cili u përfol se do të merrte postin e Contes, por nuk ndodhi kështu.
