Klevis Dalipi, në konferencën për shtyp pas ndeshjes me Slovan Bratisllavën është shprehur i kënaqur për atë që skuadra tregoi në fushën e lojës. Sipas tij e rëndësishme ishte të mos humbnin, edhe të mos pësonin asnjë gol, sepse vetëm kështu mund të arrihet kualifikimi.
"Është e rëndësishme që nuk humbëm. Ne e dinim që Slovani ka një ekip shumë të fortë. Jam i kënaqur me paraqitjen e skuadrës sime. U dhashë një mundësi lojtarëve të rinj, të cilët nuk më zhgënjyen. Kishim disa shanse, por për fat të keq nuk na eci për t'i konkretizuar në gol. Në Sllovaki do të përpiqemi që të përsërisim ndeshjen e sotme duke shpresuar që të mjaftojë për të kaluar në raundin tjetër", ka përfunduar tekniku i të kuqve.
Skuadra e Partizanit ndeshjen e kthimit do ta luajë në datën 7 korrik.
Lexo gjithashtu
