Flamurtari ka qenë një ndër skuadrat që ka bërë më shumë lëvizje në këtë merakto vere në Superligë, këtu flasim si në hyrje ashtu dhe në dalje. Me konfirmimin e Ilir Dajës në krye të vlonjatëve, kanë ndryshuar shumë gjera, Flamurtari ka ndryshuar “fytyrë” ndërsa drejtuesit objektivat.
Edhe pse merkatoja do pak ditë të përfundojë, drejtuesit e klubit me në krye administratorin, Sinan Idrizi konfirmojnë se do të ketë dhe dy tre afrime në këtë merkato.
Afrimi më i ri është ai i qëndërmbrojtësit rumun, Kristian Sirghi. Ky i fundit do të mbërrijë sot në Vlorë për të kryer vizitat mjekësore dhe më pas pritet të hidhet firma. CV-ja e Sirghi-it është e pasur, ai njihet nga të gjithë në kampionatin rumun, ku ka qenë pjesë për 7 vite e skuadrës së Otelul Galatit, ndërkohë që së fundmi ka qenë pesë e skuadrës së Gaz Metanit për të kaluar së fundmi në Superligën shqiptare dhe nisur një aventurë të re me Flamurtarin.
Loading ...
