Victor Da Silva u largua nga Partizani pas një viti e gjysmë. Lajmin për ndërprejen dypalëshe të kontratës e njoftoi vetë klubi kryeqytetas në faqen zyrtare.
28-vjeçari me fanellën e kuqe ka luajtur 45 ndeshje. Në këto sfida, Da Silva ka gjetur 15 herë rrugën e rrjetës dhe ka asistuar në 7 raste. Sulmuesi brazilian mbylli një cikël mjaft të veçantë, gjë që e shpreh dhe me anë të një shkrimi në Instagram, të cilin ia ka dedikuar klubit të Partizanit dhe tifozëve.
“Faleminderit Partizanit! Jam shumë i lumtur që isha pjesë e ekipit duke fituar titullin kampion. Tani e di se çfarë do të thotë të veshësh këtë fanellë dhe gjithashtu sa i rëndësishëm qështë klubi në këtë vend.
Fillimisht një falenderim i madh për Presidentin që më mbështeti gjatë gjithë kohës. Por edhe falë shokëve të skuadrës dhe trajnerit, kam punuar. Në fund, por jo më pak të rëndësishmit dua të falenderoj ata që na mbështetën, Ultras Guerrils.
Ajo që ndjeva në ndeshjet e derbit ishte e mahnitshme dhe e vlerësova maksimalisht. Faleminderit për ato emocione. Ishte një kënaqësi për të ndarë këtë kohë së bashku, por tani është koha për të ecur dhe për të vazhduar.
I uroj fat klubit që mund të arrijë çdo objektiv për pjesën tjetër të sezonit. Tirana e kuqe përgjithmonë!”, ka shkruajtur Da Silva në Instagram.
[caption id="attachment_716148" align="alignnone" width="498"]
Story i Victor Da Silva[/caption]
Lexo gjithashtu
