Çmenduri në Gjirokastër, gola dhe miliona për futbollistët që mrekullojnë qytetin

Zëdhënësi i klubit të Luftëtarit ka bërë të ditur një lajm të mirë, se të gjithë futbollistët e ekipit janë duke u shpërblyer në bazë të arritjeve të tyre dhe në bazë të pikëve të grumbulluara, duke qenë një shtysë për këta të fundit, për të bërë më të mirën në fushën e blertë dhe për të fituar diçka më shumë.

Rigeles Marile ka zbuluar për të gjithë këtë formë të re të shpërblimit të lojtarëve, që sipas tij është mënyra më e mirë për të nxitur futbollistët të japin më të mirën, ashtu sikurse ndodhi ndaj Partizanit, ku bluzitë jo vetëm që morën pikët e plota, por arritën të shënojnë dy gola dhe të mos pësojnë asnjë.

Zëdhënësi i klubit ka shpjeguar, se ekipi po shpërblehet çdo katër ndeshje. Ai ka premtuar, se bazuar në premiot e përcaktuara së fundmi, Luftëtari nuk do të njohë kundërshtar, por do të ketë si objektiv kryesor arritjen e rezultateve pozitive, ka thënë Malile.