Presidenti i Napolit, Aurelio De Laurentiis e ka tepruar disi me deklaratën e tij të fundit dhënë për mediat italiane. "Numri 1" i napoletanëve ka reaguar ashpër ndaj një grupi tifozësh që i janë kundërvënë këtij të fundit lidhur me merkaton.
Tifozët kanë kërkuar afrimin e disa lojtarëve me emër, gjë që nuk është realizuar deri tani nga drejtuesit e Napolit. Lidhur me këtë detaj, De Laurentiis ka thënë disa fjalë, ku i cilëson ose të çmendur ose të droguar tifozët që sillen në këtë mënyrë.
"Pse po vazhdojmë të flasim për transferime? Nëse ata, tifozët, dëshirojnë, do të na kritikojnë se nuk kemi transferuar lojtarët që ata kanë kërkuar. Ata dëshirojnë që unë të shpenzoj miliona euro për lojtarë të rinj por pastaj blejnë fanela të falsifikuara, i blejnë produktet tona në tregun e zi dhe hynë në stadium pa paguar. Ata janë ose të çmendur, ose të droguar", kanë qenë fjalët e presidentit të Napolit.
Lexo gjithashtu
