Janë luajtur ditën e sotme disa nga ndeshjet e para të fazës Play-off në Champions League, me disa përballje interesante për një vend në fazën e grupeve.
Kështu holandezët e PSV Eindhoven kanë hedhur një hap të sigurt drejt kalimit në grupe të kompeticionit më të rëndësishëm të klubeve në Europë, pas fitores 3-2 ndaj BATE Borisov në Bjellorusi.
Ndërkohë një rezultat mjaft pozitiv morën dhe grekët e PAOK pas barazimit 1-1 në Portugali ndaj Benfica-s, me golin në fushën kundërshtare që u jep një avantazh të madh për sfidën e kthimit pas një jave. Çdo gjë e hapur edhe në Beograd, ku Crvena Zvezda dhe Salzburg u ndalën në një barazim pa gola, për të zgjidhur gjithçka në sfidën e kthimit në Austri.
Takimet e kthimit do të luhen pas një jave, përkatësisht ditën e mërkurë, ndërkohë që nesër do të luhen pjesa tjetër e ndeshjeve të para të këtij turi.
Lexo gjithashtu
