Çfarë ndodh me mbijetesën nëse ekipet dalin me pikë të barabarta, ja rregullorja e FSHF-së për klasifikimin

Çështja e mbijetesës këtë sezon ka futur në ankth jo pak, por 4 skuadra përveç Korabit që zyrtarisht ka kaluar në Kategorinë e Parë.

Por çfarë ndodh nëse 2 apo më shumë skuadra dalin me pikë të barabarta?

Rregulorja e FSHF-së e parashikon qartë se nëse dy apo më shumë ekipe kanë grumbulluar të njëjtën sasi pikësh, renditja e tyre përcaktohet duke mbajtur në konsideratë këto kritere:

1.  Pikët e grumbulluara në ndeshjet e zhvilluara midis ekipeve përkatëse.
2.  Diferenca e golave të shënuar dhe të pësuar në ndeshjet mes ekipeve përkatëse
3.  Diferenca e golave të shënuar dhe të pësuar gjatë kampionatit
4.  Numri më i madh i golave të shënuar gjatë kampionatit
5.  Me short