Bylisi është rikthyer në fushën përpara çdo skuadra tjetër. Ballshiotët kërkojnë që të kenë lënë pas krahëve situatën aspak pozitive të javëve të fundit, me drejtuesit që kanë rifilluar stërvitjen në mënyrë që skuadra të jetë gati për rifillimin e kampionatit.
Ballshiotët nuk do të “shtegtojnë” jashtë Shqipërie për të zhvilluar fazën përgatitore, ndërsa kanë planifikuar edhe disa përballje miqësore, ku Arian Bellai do të ketë mundësinë të shikojë edhe gjendjen e lojtarëve pas pauzës së kampionatit.
Flamurtari është njëra nga ekipet me të cilat do të përballet Bylisi, ndërsa ky takim është parashikuar të luhet ditën e shtunë në stadiumin e Vlorës, teksa pritet të jetë një duel i fortë, pasi skuadra vlonjate kryeson Kategorinë e Parë këtë sezon, me synimin për t’u ngjithur në elitë.
Kujtojmë se ndeshja e radhës për Bylisin do të jetë ajo ndaj LAçit, takim që do të luhet në “Adush Muça”, me ballshiotët që do kërkojnë vetëm 3 pikët.
Lexo gjithashtu
