Bylis-Vllaznia është një nga sfidat e ditës së sotme të Kategorisë Superiore të vlefshme për javën e 15-të. Shkodranët kryesojnë Superligën me 32 pikë dhe kërkojnë arratinë duke parë edhe ndeshjet e vështira që kanë skuadrat rivale. Nga ana tjetër, Bylis pas humbjes në Durrës ndaj Teutës kërkon me çdo kusht reagimin për të mos u zhytyr akoma më shumë në fundin e renditjes.
Ditën e djeshme ballshiotët prezantuan plot 5 afrime në merkato e shumë mundësi dy prej tyre mund të bëjnë edhe debutimin. Kreshnik Nebihu dhe sulmuesi Kostic mund ta nisin titullarë ndeshjen ndaj Vllaznisë, ndërsa në kampin shkodran do të ketë dy rikthime të rëndësishme. Ardit Hoxhaj dhe Gurishta kanë shlyer pezullimin e kartonave dhe do të jenë në fushë nga minuta e parë ndaj Bylisit.
Bylis: Qirko, Ymeraliaj, Ntephe, Janku, Ndreca, Ujka, Kardozo (Nebihu), Hadroji, Lorrn, Antoni, Kojic (Mehmetllari)
Vllaznia: Zogovic, Gurishta, Adili, Imami, Imeri, Krymi, Marku, Jonuzi, Isaevksi, Hoxhaj, Dilaver.
Lexo gjithashtu
