Milani synon të transferojë sulmuesin polak Krystozf Piatek në rast se sulmuesi argjentinas Gonzalo Higuain largohet nga kuqezinjtë. Mediat italiane bëjnë me dije se 31-vjeçari i ka paraqitur klubit kërkesën për të lënë Italinë pas 6 muajsh. Lojtari që mund ta plotësojë më së miri boshllëkun e lënë nga Higuain është 23-vjeçari Piatek.
Genoa pranon ta shesë lojtarin për jo më pak se 50 milionë €, një shifër që Milani nuk është dakord ta pranojë. "Djalli" ka hyrë në negociata me klubin xhenovez për të ulur shifrën e transferimit të lojtarit.
23-vjeçari ka realizuar 19 gola në 21 takime këtë sezon me Genoan dhe është njëri prej lojtarëve më të kërkuar në Europë.
Poll
Lexo gjithashtu
