Michel Nkuka Mboladinga, i njohur si “statuja e gjallë” e Kongos, është bashkuar më në fund me tifozët e kombëtares në Kupën e Botës 2026.
Ai ishte i pranishëm në humbjen 1-0 të Republikës Demokratike të Kongos ndaj Kolumbisë, pasi mungoi në ndeshjen e parë kundër Portugalisë për shkak të masave të karantinës të lidhura me shpërthimin e Ebolës.
Nkuka Mboladinga u bë i famshëm gjatë Kupës së Kombeve të Afrikës, ku qëndronte i palëvizur gjatë gjithë ndeshjeve, i veshur si një statujë e ish-liderit kongolez Patrice Lumumba, me dorën e djathtë të ngritur. Pamjet e tij u bënë virale në rrjetet sociale dhe e kthyen në një nga tifozët më të njohur të futbollit afrikan.
Patrice Lumumba ishte figura kryesore e pavarësisë së Kongos nga Belgjika në vitin 1960 dhe kryeministri i parë i vendit. Ai u vra vetëm një vit më vonë, në rrethana që vazhdojnë të jenë objekt debatesh historike dhe hetimesh gjyqësore.
Lexo gjithashtu
