Serbia është përballur me një valë kritikash pas humbjes 0-1 ndaj Shqipërisë, një rezultat që praktikisht e nxjerr jashtë garës për Botërorin. Për të mbajtur gjallë shpresat, serbët duhet të fitojnë kundër Anglisë, e cila deri tani ka një performancë perfekte dhe golavarazh 18-0.
Mediat serbe kanë analizuar në detaje golin e Manajt, ku vëmendje të veçantë ka marrë reagimi i trajnerit Dragan Stojkovic. Sipas tyre, ai e parashikoi skemën e golit dhe sinjalizoi mbrojtësit, por ata nuk reaguan në kohë, duke e lënë Shqipërinë të lirë në zonë.
Goli ishte fryt i një skeme të punuar mjaft mirë, me krosimin e Asllanit dhe përplasjen në ajër të Gjimshitit që i hapën rrugën Manajt. Serbia, e përfshirë në probleme të brendshme dhe në konflikt me trajnerin, nuk arriti të ruante përqendrimin, gjë që Shqipëria e shfrytëzoi në mënyrë perfekte.
Megjithatë, vlen të theksohet se situata në Serbi nuk është aspak e qetë. Duket qartë se lojtarët dhe ish-trajneri Stojkovic kanë pasur marrëdhënie të “krisur”, madje duke çuar deri aty në injorimin e instruksioneve që ai jepte përballë “derbit të jetës” kundër Shqipërisë.
Lexo gjithashtu
Vendim DRASTIK para Botërorit, FIFA “fshin” Izraelin
Kosova “trondit” pankinën, shkarkohet trajneri
Nga Serbia në Suedi, shqiponjat “pushtuan” botën
