Olivier Giroud është zyrtarisht pjesë e Los Angeles FC në SHBA. Sulmuesi 37-vjeçar vendosi që të largohej nga Europa, për të nisur një aventurë të re në kontinentin e largët. Pasi u prezantua te ekipi i ri, Giroud tha dhe fjalët e tij të para. Sulmuesi francez tregoi që historia e nënshkrimit me Los Angeles FC ishte pothuajse e njëjta situatë kur nënshkroi me Milanin. Ndër të tjera, ish-i i “Djallit” tregoi për bisedën që kishte bërë me Zlatan Ibrahimovic.
“Është qesharake sepse në vitin 2020, isha shumë pranë transferimit te Interi. Pastaj fati deshi që unë të firmosja për Milanin 1 vit më vonë. Para se të ndodhte kjo, unë takova përfaqësues të Los Angeles Galaxy dhe u thashë se nuk doja të largohesha nga Europa. Tashmë, është përsëri fati që më solli këtu të firmosja për Los Angeles FC.
Kam folur me Zlatanin, i thashë që kishte qenë në skuadrën e gabuar të qytetit (qesh). Ai më tha se do të argëtohem sepse skuadrat luajnë për të shënuar gola, jo për të mbrojtur rezultatin. Ibra më tha të kem kujdes nëse lauj në Hjuston në gusht, sepse do të jetë nxehtë”, ishin fjalët e Giroud.
Lexo gjithashtu
