Kristjan Asllani bëri një lëvizje këtë verë, duke u huazuar tek Torino nga ekipi i Interit. Me fanellën e “Granatave” mesfushori i kombëtares shqiptare ka zhvilluar dy takime në fillim të sezonit.
Së fundmi, Asllani ka dhënë një intervistë për kanalet zyrtare të klubit të Torinos. “Erdha këtu rreth 20 ditë më parë dhe kam parë pozitivitet. Grupi më priti mirë, klubi dhe trajneri më donin dhe besojnë tek unë. Tani kemi një ndeshje të rëndësishme përpara dhe duam të vazhdojmë atë që bëmë në Romë.
Doja të vija tek Torino sepse besoj në këtë projekt, ata më donin dhe ishte një zgjedhje e lehtë. Isha tek Interi dhe kisha kaq shumë oferta, kisha frikë të vendosja menjëherë”
Cila është origjina juaj? “Kam lindur në Shqipëri, pastaj emigruam në Itali kur isha dy vjeç. Babai im mbërriti vetëm fillimisht me anije, pastaj unë dhe mami iu bashkuam atij. Unë luaj për ekipin e Shqipërisë, tifozët janë të mrekullueshëm dhe kam një lidhje të fortë me vendin tim.
Gjyshërit e mi jetojnë në Shqipëri, i vizitoj kur mundem. Më intereson shumë familja ime. Zgjodha të luaj për Shqipërinë sepse jam shqiptar”, u shpreh Asllani.
Lexo gjithashtu
