Paulo Dybala e ka të ardhmen e pasigurt dhe ende nuk ka vendosur se ku do të luajë sezonin e ardhshëm. Argjentinasi ka kontratë me Romën deri në vitin 2025, teksa është në bisedime për rinovimin.
Palët ende nuk kanë rënë dakord dhe nga kjo situatë duan të përfitojnë dy klube të mëdha evropiane. Chelsea dhe Barcelona janë vënë në lëvizje për të siguruar shërbimet e 30-vjeçarit.
Si Barça ashtu dhe “Blutë e Londrës” do të kenë një revolucion të madh në ekip, duke e bërë Dybalan si një nga objektivat e tyre kryesorë. Roma në krahun tjetër nuk pritet ta pengojë sulmuesin argjentinas në rast se ky i fundit shpreh dëshirën për t’u larguar.
Këtë sezon futbollistik, Dybala ka qenë një nga pikat kyçe të ekipit italian, ku në 31 ndeshje mes Europa League, Serie A dhe Coppa Italia, ka shënuar plot 14 gola dhe ka asistuar në 9 të tjerë.
Lexo gjithashtu
