Roma dhe Juventus do të përballen këtë të diel për të luajtur ndeshjen e vlefshme për javën e 31 të Serie A. Supersfida që do të zhvillohet në stadiumin “Olimpico”, do të nisë në orën 20:45.
Ndërkohë që në prag të këtij dueli ka folur një ish i të dy ekipeve, mesfushori Miralem Pjanic. Boshnjaku është shprehur se momentalisht Roma ka më shumë stabilitet se Juventus dhe kjo falë trajnerit Ranieri. Ndër të tjera, Pjanic ka “thumbuar” ish-trajnerin e bardhezinjve, Thiago Mottën, duke thënë se ai i hoqi ADN-ën Juventusit.
“Në këtë moment Roma ka më shumë stabilitet, pa dyshim. Juventusi ka ndryshuar trajner sepse rezultatet kanë qenë nën pritshmëri. Në vitet e fundit, kur isha unë, por edhe më parë, gjithmonë luftohej për të fituar kampionatin, ndërsa këtë vit, pavarësisht shpenzimeve të shumta në merkato, që kishin bërë të mendonin se klubi mund të konkurrojë, diçka ka shkuar keq.
Disa zgjedhje ishin kundër ADN-së së Juventusit, por tani është kthyer një person që e njeh shumë mirë botën juventine dhe e di si funksionon klubi dhe si të menaxhohen disa dinamika.
Tudor? Ai ka treguar tashmë se është i aftë dhe i përgatitur, ishte e nevojshme të ndryshohej pas rezultateve që nuk ishin në nivelin e duhur. Roma, sipas vlerave, mendoja që në fillim të sezonit se duhej të ishte në pozicionin aktual, por ishte shumë pas, derisa erdhi Ranieri”, është shprehur Pjanic.
Lexo gjithashtu
