Mario Hermoso është shumë pranë transferimit te Interi. Mbrojtësi spanjoll, i cili aktualisht luan me Atletico Madrid, me shumë gjasa do të vazhdojë karrierën në Itali te skuadra e Interit.
28-vjeçari shihet si perfekti nga drejtuesit zikaltër, të cilën do t’i ofrojë atij një kontratë 5-vjeçare me pagë 5 milionë euro në sezon. Një ofertë mjaft e majme për të bindur spanjollin, por te Interi janë të sigurt se ai është një qendërmbrojtës klasi që do t’i jepte një tjetër fytyrë repartit difensiv.
Gjithashtu, trajneri Simone Inzaghi ka dhënë ‘ok’ për këtë transferim dhe tashmë Interi është vënë në lëvizje për të bindur mbrojtësin, i cili në fund të këtij sezoni do të jetë një lojtar i lirë.
Kujtojmë që ky do të bëhet lojtari i 3-të që Interi siguron me parametra zero, pas mesfushorit të Napoli Piotr Zielinski dhe sulmuesit Iranian Mehdi Taremi.
Lexo gjithashtu
