
Alessandro Florenzi - Simone Inzaghi
Pasi fitoi Superkupën e Italisë dhe mbi të gjithë Scudetton e tij të parë në karreirë, Simone Inzaghi u vlerësua me çmimin e trajnerit më të mirë në Serie A për sezonin 2023/2024.
Ky çmim iu dha Inzaghit nga Shoqata e Trajnerëve të Futbollit italian. Inzaghi mposhti në këtë garë finalistin tjetër që ishte Thiago Motta, me këtë të fundit që kualifikoi Bolognan në Champions League. Inzaghi ia doli të merrte 55% të votave.
Gjithashtu, nga Serie A është dhënë edhe çmim “Fair Play”, të cilin e fitoi mbrojtësi i Milanit, Alessandro Florenzi. Italiani e fitoi këtë çmim pasi ka qenë protagonist në ndeshjen Milan – Lazio, duke përfaqësuar më së miri parimet e sportit dhe miqësisë.
Poll