Mario Giuffredi agjenti i njohur italian, ka folur për lojtarët e Napolit që ai ka nën menaxhim. Giuffredi ka klientë, Di Lorenzon, Politanon, Mario Rui dhe Gaetano, teksa për të katërt nga këto ka dhënë garancinë që nuk do të largohen nga napolitanët. Ndër të tjera, agjenti italian shton se nëse diçka e tillë do të ndodhte dhe lojtarët do të largoheshin, ata do të ishin frikacakë.
“Asnjë nga lojtarët e mi nuk e ka menduar të largohet nga Napoli. Nëse ne nënshkruajmë kontrata, e bëjmë për t’i respektuar deri në fund ato.
Nëse një ditë nuk do të jemi të kënaqur me trajnerin që mund të vijë, apo për klubin që mund të krijojë strategji të reja, atëherë do t’i marrim në konsideratë dhe do t’i mbyllim gjërat me shumë qetësi.
Por mund t’ju garantoj se lojtarët e mi do të mbetet të gjithë te Napoli edhe sezonin e ardhshëm. Nëse largimi do të ndodhte këtë verë, do të tregoheshin frikacakë”, është shprehur agjenti i njohur, Mario Giuffredi.
Lexo gjithashtu
