Humbja e gjashtë radhazi në derbi, disfatë e cila i dha titullin kampion Interit, nuk është ‘kapërdirë’ lehtë nga lojtarët e Milanit. Një ndër to është edhe Yacine Adli i cili thotë se nëse klubi kuqezi kërkon të fitojë sa më shumë ndeshje, atëherë duhet të afrojë në ekip lojtarë më të fortë.
“Ne kemi një projekt të ndërtuar, që nuk përfundon brenda një viti. Ka ende kohë për ta realizuar, por e dimë që duhet të bëjmë më shumë se kaq. Nëse klubi kërkon të fitojë, atëherë duhet të sjellë lojtarë më të fortë.
Në këtë sezoni kemi pësuar shumë gola nga goditjet e këndit, gjë që do të thotë se nuk kemi qenë mjaftueshëm të vëmendshëm. Kur nuk merresh me detajet në të tilla nivele atëherë s’mund të fitosh. Ne provuam ta ndalnim Interin por ishte tepër e vështirë”, është shprehur Yacine Adli.
Lexo gjithashtu
