Manchester United dhe Liverpool dhuruan spektakël në 'Old Trafford' në javën e 32-të të Premier League.
Dy rivalët e përbetuar dhe dy skuadrat më të mëdha angleze u ndanë në një barazim emocionues me rezultatin 2-2. Ndeshja nisi mirë për Liverpool që kaluan të parët në avantazh me Luis Diaz. E dyta do të fliste për 'Djajtë' që do të përmbysnin rezultatin me Bruno Fernandes e Kobbie Mainoo.
Megjithatë, një penallti e akorduar në minutën e 83-të do të kthehej në gol nga Mohammed Salah duke barazuar shifrat. Mes shumë rasteve deri në minutën e fundit, rezultati nuk ndryshoi dhe skuadrat ndajnë nga 1 pikë që u 'dhemb' të besuarve të Klopp.
Liverpool humbet kështu vendin e parë që tanimë mbahet nga Arsenal me pikë të barabarta, ndërsa Man City ndjek në vendin e 3-të me 1 pikë më pak. United mbetet në vendin e 5-të me 49 pikë, shumë larg zonës Champions.
GOLAT→ VIDEO
Lexo gjithashtu
